Xiyarın qabıqlarını atmayın! 3 faydalı resept
Xiyarı salatlara əlavə etdikdə biz adətən onun qabıqlarını soyub atırıq.
Təəssüf ki, qabıqlarla birlikdə biz bir çox faydalı maddələri da "tullayırıq". Xiyar bir çox orqanizm üçün vacib olan minerallarla zəngindindir. Bu mineralların əksər hissəsi xiyarın məhz qabığındadır.
Xiyar və xüsusilə onun qabıqları əzələlərin (o cümlədən, ürək əzələsinin) normal fəaliyyəti üçün olduqca vacib olan kalium və maqneziumla zəngindir.
Xiyarda olan sink və yod mədəaltı və qalxanvari vəzinin fəaliyyətini yaxşılaşdırır.
Mis qanın tərkibinə və dayaq-hərəki sisteminə müsbət təsir edir.
B qrupu ilə zəngin olan xiyar sinir sisteminə müsbət təsir edir.
Sizə xiyarın qabıqlarından bir neçə faydalı resept təqdim edirik:
1. 3 orta ölçüdə olan xiyarın qabıqlarını xırda doğrayın, termosa yığın, üzərinə 1 stəkan qaynar su tökün, axşamdan səhərə qədər saxlayın. Səhər dəmləməni süzün, limon əlavə edin və için. Bu faydalı içki bir çox vacib minerallarla zəngindir, susuzluğu aradan qaldırır, orqanizmi təmizləyir. Bu içkini hər gün içmək olar.
2. Bir neçə xiyarın qabıqlarını blenderlə əzin, üzərinə çıxana qədər araq tökün, 1 həftə ərzində soyuducuda saxlayın, sonra süzün və yağlı dəri üçün istifadə edin. Bu təbii losyon dəridə olan iltihabları azaldır, pis parıltını götürür, dərini ağardır.
3. Xiyarın qabıqlarını blenderlə əzin, 1 ymurta sarısı, 1 x.q. xama əlavə edin, yaxşı qarışdırın, təmiz üz dərisinə çəkin, 20 dəqiqədən sonra ilıq suda isladılmış tamponla silin. Bu maska dərini cavanlaşdırır, ağardır, daha elastik edir. (saglamolun.az)
