loading...
loading...

Əsl Şarlotka - Almalı Piroq Resepti

loading...

 
Aile.fenomen.az saytı məlumat verir ki,

Şarlotka çoxlarımız üçün əvəzolunmaz daddır.Hər kəs bu resepti fərqli üsullarla hazırlayır.
Əsl şarlotka reseptini sizə təqdim edirik:

Lazım olan ərzaqlar:
Xəmir üçün :
300 qr - un
3 ədəd - yumurta
200 qr - şəkər tozu
5 xörək qaşığı - süd
5 xörək qaşığı - duru yağ
vanel
qabartma tozu

Üzəri üçün :
4 ədəd - alma ( təmizlənmiş, dilimlənmiş )
1 xörək qaşığı yağ
1 xörək qaşığı şəkər tozu
darçın

Hazırlanma qaydası :

İlk olaraq tavaya kərə yağı əlavə edilir və ərinmiş yağın üzərinə şəkər tozu əlavə edilib bir qədər qovrulur.Daha sonra soyulmuş və dilimlənmiş almaları kərə yağı və şəkər tozu qarışımının üzərinə əlavə edilib bir qədər qızardılır.Təxminən 3 - 4 dəqiqə almalar bişdikdən sonra darçın əlavə edilir və tava kənara qoyulur. Piroqun üzəri hazırdır.

Xəmiri hazırlamaq üçün isə ilk öncə qaba yumurta və şəkər tozu əlavə edilərək yaxşıca çırpılır.Daha sonra süd, yağ, vanel, qabartma tozu da əlavə olunaraq yenə qarışdırılır.Sonda isə unu da qarışıma əlavə edərək son olaraq yaxşıca qarışdırırıq.Xəmir də hazırdır.26 sm diametri olan soba listinin içərisinə perqament kağızı açaraq xəmiri üzərinə tökün.Üzəri üçün hazırlanan almaları bir - bir xəmirin üzərinə düzün və sonda tavanın dibində qalan karamelizə qarışığını da xəmirin üzərinə gəzdirin.180 dərəcədə təxminən 40  dəqiqəlik sobaya göndərin.Üstü qızarana kimi bişiririk.Bişib soyuduqdan sonra piroqun üzərinə pudra şəkəri də səpmək olar.
Nuş olsun!


loading...
Oxşar xəbərlər