Kişilərdə köklük sonsuzluq ehtimalını artırır, seks istəyini azaldı

Piylənmə sadəcə qadınlara deyil, kişilərə də mənfi təsir edir. Belə ki, yağ toxumasında testesteronun estrogenə çevrilməsi artır, testesteron azalır və sperma keyfiyyəti aşağı düşür, hormon nizamsızlığı daha çox görülür.

Araşdırmalar zamanı kök kişilərdə sperma sayının yüzdə 21 daha az olduğu təsbit edilib. Kök kişilərdə xaya bölgəsində yağ nisbətinin çox olması həmin bölgədəki bədən istiliyini yüksək tutur və bu istilik səbəbindən testis damarlarının genişlənməsi nəticəsində sperma ifrazı və keyfiyyəti azalır.

Bu kişilərin xanımı hamilə qalsa da, körpənin düşmə və xəstə doğulması ehtimalı olur.

Bundan başqa köklük kişilərdə cinsi iqtidarsızlığa yol açır.

Araşdırmalara görə, kişinin hər qazandığı 10 kilo sonsuzluq ehtimalını yüzdə 10 artırır, seks istəyini azaldır.

Yaş, həyat tərzi, artıq kilo, stress, siqaret, spirtli içki istifadəsi sperma keyfiyyətinə təsir edərək döllənmə qabiliyyətinə mənfi təsir edir.

Ancaq həyat tərzində bəzi dəyişikliklər etmək, idman, artıq çəkini verib ideal çəki qazanmaq sperma funksiyalarını düzəldir, hamiləlik şansını artırır.

Yağ istifadəsinin azaldılması, Omega-3 mənşəli bitki yağlarının istifadəsi sperma problemlərinin qarşısını alır.

Hormonlarınızı yoxlatdırın