Uşaqların immunitetinin yüksək olması üçün lazım olan qidalar

Uşaqların immun sistemini gücləndirən ilk qida ana südüdür. Dünyaya göz açan körpə nə qədər çox ana südü ilə qidalanarsa, immuniteti bir o qədər də yüksək olar. Ana südündən kəsildikdən sonrakı dövrlərdə ən azı 10 yaşına kimi uşağın qidalanması onun həyatında mühüm rol oynayır.
 

Uşaqların immunitetinin yüksək olması üçün lazım olan qidalar barədə məlumatlar veririk:

1. Uşağınızın immun sistemini gücləndirən meyvə və tərəvəzlərdən çox istifadə edin. Ən çox tərkibində D və C vitamini bol olan meyvə və tərəvəzlərdən istifadə edin. Bunlara ispanaq, kələm, portağal, kərəviz, brokkli kələmi, pazı, turp və s. aiddir.
 

2. Uşaqlarınıza Omeqa-3 yağı ilə zəngin qidalar yedizdirin. Bu qidalara dəniz məhsulları aiddir. Çalışın uşağınız ən azı həftədə 1 dəfə balıq əti yesin.

3. Uşağınızın oprqanizminin müdafiə gücünü artırmaq istəyirsinizsə, ona A, C, E, D vitaminləri ilə zəngin və təbii qidalarla malik qidalar yedirin.
 

4. Uşağınızın qidasında narıncı və tünd yaşıl rəngdə olan meyvə-tərəvəzlərə üstünlük verin.
 

5. Uşağınızın C vitamini ilə qidalanmasına üstünlük verin. C vitamini orqanizm üçün gündəlik tələbat olan vitaminlərdən hesab edilir.
 

6. Uşağınızın sağlam böyüməsi üçün onun orqanizminin sink vitamininə də ehtiyacı böyükdür. Sink vitamini dəri və saçların sağlamlığı üçün ən vacib olan vitaminlərdən hesab edilir. (immunitet.az)